Synod of Jerusalem

“സുന്നഹദോസ്”  Skit – (https://youtu.be/9j-Ido_J8k8)

പ്രിയപ്പെട്ടവരേ,  പ്രതിസന്ധികൾ വരുമ്പോൾ നിങ്ങൾ എന്ത് ചെയ്യും ?

കുടുംബത്തിലും, സഭയിലും, സമൂഹത്തിലും, ഏതു രംഗത്തും , എപ്പോൾ വേണമെങ്കിലും പ്രതിസന്ധികൾ കടന്നു വരാം. ഉദ്ദാഹരണത്തിനു നിങ്ങളുടെ കുടുംബത്തിൽ ഒരു പ്രതിസന്ധി ഉരുണ്ടു കൂടി എന്നിരിക്കട്ടെ, എന്തായിരിക്കും നിങ്ങളുടെ “modus operandi” അല്ലെങ്കിൽ പരിഹാരക്രിയ ?

അപ്പനും അമ്മയും മക്കളും പരസ്പരം കുറ്റം പറഞ്ഞു വീട് ഒരു “കോലാഹലമേട്” ആക്കുമോ  അതോ ഒരു മേശക്കു ചുറ്റുമിരുന്ന് എല്ലാവർക്കും സമാധാനമായി തങ്ങളുടെ വാദ ഗതികൾ അവതരിപ്പിക്കുവാൻ അവസരം നൽകി, പരസ്പരബഹുമാനത്തോടും  ശ്രദ്ധയോടും  കേട്ട് , അവസാനം കുടുംബ നാഥന് എല്ലാവർക്കും അഭിപ്രായൈക്യമുള്ള ഒരു തീരുമാനം പ്രഖാപിക്കുമോ ?

രണ്ടായിരം വർഷങ്ങൾക്കു മുൻപ് ക്രിസ്തീയ സഭക്ക് വലിയൊരു പ്രതിസന്ധി ഉണ്ടായി, അതിനു പരിഹാരം തേടി നടത്തിയതാണ്  “യേശുശലേം സുന്നഹദോസ്”. അത് പക്ഷേ ഇന്ന് നമ്മുടെ സഭയിൽ മെത്രാന്മാർ മാത്രം കൂടിയിരുന്നു നടത്തുന്ന ഒരു സിനഡ് ആയിരുന്നില്ല, അപ്പോസ്തോലന്മാരും, അറിയിപ്പുകാരും, മൂപ്പന്മാരും, സാധാരണ ജനങ്ങളുമൊക്കെ കൂടി ചേർന്ന ഒരു പൊതു സഭ. ആ സുന്നഹദോസിനെ നിങ്ങൾക്ക് പരിചയപ്പെടുത്താൻ SundaySchool  ഒൻപതാം ക്ലാസ്സിലെ പാഠത്തെ ആസ്പദമാക്കി കുട്ടികളും, ശുസ്രൂഷ സംഘവും,യുവജന പ്രസ്ഥാന അംഗങ്ങളും, ചേർന്നു നടത്തുന്ന ലഖു നാടകം ആണ് “സുന്നഹദോസ്” അടക്കത്തോടെ , ശ്രദ്ധയോടെ,  കാണുക, ആസ്വദിക്കുക               

രംഗം ഒന്ന് : വീടിന്റെ ഉമ്മറത്ത് ഒരു ടീനേജ് പയ്യൻ പുസ്തകത്തിൽ നിന്നും വായിക്കുന്നു ….

“ഊർഷ്ലെമിൻ്റെ ഒന്നാമത്തെ പ്രധാനാചാര്യനും, പുണ്യവാനും ശ്ലീഹായും സഹദായുമായ  യാക്കോബും…..

(കടന്നു വരുന്ന അമ്മ) 

നിർത്ത് ,നിർത്ത്,നിർത്ത്, എടാ നീ എന്നതാ ഈ വയിക്കുന്നെ,  യാക്കോബ് യിശാക്കിൻ്റെ മകനും ഗോത്രപിതാവുമാണെന്നാനല്ലോ കേട്ടിട്ടുള്ളത്, ഊർഷ്ലെമിൻ്റെ ഒന്നാമത്തെ പ്രധാനാചാര്യനും, എന്നൊക്കെ ആണല്ലോ നീ  ഈ  കാണാതെ പഠിക്കുന്നെ?

അമ്മേ ഇത് നാളെ പള്ളീൽ വായിക്കാൻ ഒള്ളതാ,അഞ്ചാം തുബ്ദേണ്. നന്നായിട്ട് വായിച്ച് പഠിക്കണം,  പള്ളീൽ വായിക്കുമ്പോ തെറ്റിക്കരുത്‌ എന്നാ അച്ചൻ പറഞ്ഞിരിക്കുന്നത്.

(കടന്നു വരുന്ന അപ്പൻ )

എന്നതാടാ അമ്മേം മകനും കൂടെ, രാത്രി ആയാലും സ്വസ്ഥത തരത്തില്ലല്ലോ.

അച്ചാ ഈ അഞ്ചാം തുബ്ദേനിലെ യാക്കോബ് ആരാ? അമ്മ പറയുക  “യാക്കോബ് യിശാക്കിൻ്റെ മകനും ഗോത്രപിതാവുമാണെന്ന് “

അമ്മേ കുറ്റം പറഞ്ഞിട്ട് ഒരു കാര്യുമില്ല വേദ പുസ്തകത്തിൽ പത്തോളം യാക്കോബ് മാരുണ്ട്. 

അതെന്ന അപ്പാ ഇത്രയും യാക്കോബുമാര് 

എടാ നമ്മുടെ ഇവിടെത്തന്നെ എത്ര രാജു ഉണ്ടു, എത്ര വര്ഗീസ് ഒണ്ട്?എത്ര മോൻ ഉണ്ട് മോൾ ഉണ്ട് ? ഇത് പോലെ യാക്കോബ് അന്നത്തെക്കാലത്ത് വളരെ കോമൺ ആയ ഒരു പേര് ആയിരുന്നു. അത് കൊണ്ട് ആർക്കും തെറ്റിപ്പോകാം. പക്ഷേ നീ ഈ പറയുന്ന അഞ്ചാം തുബ്ദേനിലെ ,യാക്കോബ് യേശുവിൻ്റെ സഹോദരൻ ആയിരുന്നു അറിയാമോ?

നിങൾ എന്ന വർത്തമന മാ പറയുന്ന മനുഷ്യാ, ദൈവമാതാവ് യേശുവിനെ പ്രസവിച്ചു കഴിഞ്ഞു പിന്നേം പ്രസവിച്ചെന്നോ? നിങൾ ഈ വായി തോന്നുന്നത് എല്ലാം വിളിച്ചു പറഞാൽ നിങ്ങളെ സഭേണ്ണ് പുറത്താക്കും. പറഞ്ഞേക്കാം. 

എടീ നീ കാര്യം അറിയാതെ ചാടി ക്കടിക്കാൻ വരാതെ. ഇത് കന്യ മേരി അമ്മയുടെ സ്വന്തം മകൻ അല്ല, യേശുവിൻ്റെ പിതാവായ ജോസഫിന് വേറൊരു ഭാര്യയിൽ ഉള്ള മകൻ ആണ്. അതായത് കർത്താവിൻ്റെ അർദ്ധ സഹോദരൻ. 

അത് ശരി അങ്ങനെ ഒന്നും ഞാൻ ബൈബിളിൽ വായിച്ചിട്ടില്ലല്ലോ. 

ആ നീ  സ്കൂളിൽ സാറാന്ന് പറഞ്ഞിട്ട് എന്നാ കാര്യം, അല്ലേലും നിന്നെ പോലെ ഒള്ള പ്രൊട്ടസ്റ്റൻ്റ് കാരുടെ കുഴപ്പം, 

അവർക്ക് ബൈബിൾ മാത്രം അല്ലേ ഒള്ളൂ, ഞങ്ങൾ ഓർത്തഡോക്സ്‌ കാർക്ക്  സഭാ പാരമ്പര്യം ഒണ്ട്, ആരാധനാ ക്രമം ഒണ്ട്, ജനാധിപത്യം, ഒണ്ട് . “മനസ്സിലായോ സാറേ”?

ഓ വല്യ ഓർത്തഡോക്സ്‌ ആണ് ജനാധിപത്യം ആണ് എന്നൊക്കെ പറയും നിങ്ങള് പള്ളീലോ പൊതുയോഗത്തിലോ വല്ലോം പോകുന്നുണ്ടോ മനുഷ്യാ. അച്ചൻ പറയുന്നെ പൊതുയോഗത്തിനു കമ്മറ്റിക്കാർ മാത്രമേ ഉള്ളൂ എന്നാണല്ലോ ? 

അതൊക്കെ പോട്ടെ,എടാ ഈ യക്കോബു ഊർസ്ലെമിൻ്റെ അധ്യക്ഷൻ ആണെന്ന് ബൈബിളിൽ ഉണ്ട് നിനക്ക് അറിയാമോ ?

ഇല്ല

ആഹാ, നീ ഒൻപതാം ക്ലാസ്സിൽ പഠിച്ചിട്ടല്ലേ, ഈ പത്തിലോട് വന്നത്

എന്ന് പറഞാൽ സ്കൂളിൽ പഠിച്ചതെല്ലാം, നിങൾ ഓർക്കുന്നുണ്ടോ മനുഷ്യാ? 

ശരിയാ അപ്പാ , ഈ ആവശ്യം ഇല്ലാത്തത് എന്തിനാ പഠിപ്പിക്കുന്നത്, sin\theta ,, cos\theta, tan\theta ഇത് കൊണ്ട്  എന്തെങ്കിലും ഉപയോഗം ഇത് വരെയും ആർക്കെങ്കിലും ഉണ്ടായോ ?

ആ എടാ ഇതല്ലേ കൊഴപ്പം,  നമ്മൾ എല്ലാം പഠിച്ചിരിക്കണം എന്നാലേ നമ്മുടെ പിള്ളാർ ലോകത്ത് എവിടെ പോയാലും രക്ഷപെടൂ . അല്ലാതെ ഇവിടെ ഈ നാട്ടിൽ നിന്നിട്ട് എന്ന എടുക്കാനാ? 

നിങൾ ഈ സാമൂഹ്യത്തിലും  രാഷ്ട്രീയത്തിലോട്ടും ഒക്കെ കടക്കാതെ, അവന് അറിയേണ്ട കാര്യം, ഊർഷ്ലെമിൻ്റെ ഒന്നാമത്തെ പ്രധാനാചാര്യനായ യാക്കോബിനെ ക്കുറിച്ച്, അത്,   അവനു പറഞ്ഞു കൊടുക്ക്, .

നിങ്ങൾ രണ്ടു പേരും ശ്റദ്ധിച്ചു കേക്ക്  .യാക്കോബ് ശ്ലീഹായെക്കുറിച്ച് പറയുമ്പോൾ പൗലോസ് ശ്ലീഹാ യെക്കൂടെ അറിഞ്ഞിരിക്കണം? പൗലോസ് ശ്ലീഹാ ആരായിരുന്നു അറിയാമോ?

പിന്നെ ജാതികളുടെ  അപ്പോസ്തല നല്ലെ അദ്ദേഹം. പൗലോസ് ശ്ലീഹാ ഇല്ലരുന്നേൽ കാണാരുന്നു ഇന്നത്തെ ക്രിസ്ത്യാനിയുടെ സ്ഥിതി.യേഹൂദന്മാർ അല്ലാതെ നമ്മളൊന്നും  ക്രിസ്ത്യാനി കള് ആവില്ലയിരുന്ന്. 

ശരിയാണ്, പക്ഷേ അദ്ദേഹത്തിന് ക്രിസ്തുമാർഗത്തിൽ നേരിട്ട എറ്റവും വലിയ പ്രതിസന്ധി, അദ്ദേഹത്തിൻ്റെ കൂട്ടരുടെ അടുത്തൂന്നാ, അറിയാമോ?

അതല്ലേലും, ഇന്നും നമുക്ക് ഏറ്റവും കൊഴപ്പം ഉണ്ടാക്കുന്നത്, നമ്മുടെ കൂട്ടക്കാർ തന്നെ ആണല്ലോ

ആ, അതൊക്കെ പോട്ടെ , ഇനി അൽപ സമയത്തേക്കു ഞാൻ നിങ്ങളെ  സിറിയയിലെ അന്ത്യോക്യയിൽ നടന്ന സംഭവത്തെ കാണിച്ചു തരികയാണ് ……

(Curtain Closes, New Curtain at the BG)

പ്രിയപ്പെട്ടവരേ, ജാതികളുടെ അപ്പോസ്തോലൻ എന്ന് അറിയപ്പെട്ടിരുന്ന   പൗലോസ് ശ്ലീഹാ തൻ്റെ മൂന്ന് മിഷിനറി യാത്രകളിലൂടെ അന്ത്യോഖ്യയിൽ നിന്ന് തുടങ്ങി യൂറോപ്പിലോളം എത്തി നിരവധി സ്ഥലങ്ങളിൽ സുവിശേഷം അറിയിച്ചു, യഹൂദരെ മാത്രമല്ല, ഒട്ടേറെ ജാതികളെയും ക്രിസ്ത്യാനികൾ ആക്കി മാറ്റിയിരുന്നു.  

ജനനത്താൽ പൗലോസ് ശ്ലീഹാ ഒരു യെഹൂദൻ ആയിരുന്നു എന്ന് നിങ്ങൾക്ക് അറിയാമല്ലോ ? പക്ഷേ അദ്ദേഹത്തിന് യെഹൂദൻ മാരിൽ നിന്നുമാണ് ഏറ്റവും കൂടുതൽ പ്രതിരോധം ഏൽക്കേണ്ടി വന്നത്. യെഹൂദന്മാർ അവരുടെ മാമൂലുകളെ മുറുകെ പിടിച്ചിരുന്നു എന്നതിന്റെ നേർക്കാഴ്ച്ച ആണല്ലോ   വിശുദ്ധ മർകോസിന്റെ സുവിശേഷം രണ്ടാം അദ്ധ്യായത്തിൽ നാം കാണുന്നത്.  

വിളഭൂമിയിൽകൂടി കടന്നുപോകുമ്പോൾ ക്രിസ്തുവിൻറെ  ശിഷ്യന്മാർ  കതിർ പറിച്ചു, എന്നതിനാൽ, പരീശന്മാർ, അവർ ശബ്ബത്തിൽ വിഹിതമല്ലാത്തതു ചെയ്യുന്നു  എന്നു പറഞ്ഞു, ക്രിസ്തുവിനെ പ്രതിരോധിക്കാൻ തുടങ്ങിയപ്പോൾ,  അവൻ അവരോടു : “മനുഷ്യൻ ശബ്ബത്ത് നിമിത്തമല്ല; ശബ്ബത്ത് മനുഷ്യൻ നിമിത്തമത്രേ ഉണ്ടായതു;” എന്ന് പറഞ്ഞത് നിങ്ങൾ ഓർക്കുന്നുണ്ടല്ലോ. അത് പോലെ  ശബ്ബത്ത് സംബന്ധിച്ച മറ്റൊരു വിഷയം പൗലോസ് ശ്ലീഹായുടെ കാലത്തും സംഭവിക്കുകയുണ്ടായി. അതിലേക്കു അൽപ നേരത്തേക്ക് നിങ്ങളെ ഞങ്ങൾ കൂട്ടിക്കൊണ്ടു പോവുകയാണ്.

രംഗം 2 : അന്ത്യൊക്ക്യ: ( നവ ക്രിസ്ത്യാനികൾ ആയ  ആംബ്രോസ് ദിമിത്രിയോസ് എന്നിവർ  (യവനന്മാർ) കയ്യിൽ ചുരുളുകളുമായി ദിമിത്രിയോസ്, ആംബ്രോസ് കടയിൽ സാധനം വിൽക്കുകയാണ് )

ആംബ്രോസ് :ദിമിത്രിയോസ് നീ  ഇതെവിടെ പോയിട്ട് വരികയാണ്? 

ദിമിത്രിയോസ്: എടാ ഞാൻ ഈ സെപ്റ്റുജന്റ് ഒന്ന്  സംഘടിപ്പിക്കാൻ പോയതാ 

ആംബ്രോസ് : സെപ്റ്റുജന്റ്, അത് ,യെഹൂദന്മാരുടെ ചരിത്രം അല്ലേ?   നിനക്ക് വേറെ ഒരു പണിയും ഇല്ലേ ? നമ്മൾ യവനന്മാർ എന്തിനാ യെഹൂദന്റെ ചരിത്രം വായിക്കുന്നത് ?

ദിമിത്രിയോസ്: എടാ പൗലോസ് നമ്മോടു പറഞ്ഞ ചില കാര്യങ്ങൾ എനിക്ക് അങ്ങോട്ട് മനസ്സിലായില്ല, അത് കൊണ്ട് ഈ യെഹൂദന്മാരുടെ ചരിത്രം ഞാൻ ഒന്ന് വായിച്ചു നോക്കുകയായിരുന്നു 

ആംബ്രോസ് : നീ ഒന്ന് തെളിച്ചു പറഞ്ഞേ ,  പൗലോസ് നമ്മോടു പറഞ്ഞ ഏതു കാര്യം ആണ് നിനക്ക് മനസ്സിലാകാഞ്ഞത് 

ദിമിത്രിയോസ്: എടാ, യെഹൂദന്മാർക്ക് , അവരുടെ പ്രവചനത്തിൽ , മിശിഹാ,  യെഹൂദാ ഗോത്രത്തിൽ ജനിക്കുമെന്നു  വിശ്വാസം ഉണ്ടായിരുന്നു , പക്ഷെ ക്രിസ്തു , മിശിഹാ ആണെന്ന് അവർക്കു വിശ്വസിക്കാ നായില്ല.

ആംബ്രോസ്: അതെന്നാ , അവർക്കു വിശ്വസിച്ചാൽ എന്നാ കുഴപ്പം ?

ദിമിത്രിയോസ്: എടാ, അത്   മിശിഹാ ജനിക്കുന്നത് ഒരു രാജാവായിട്ടു ആയിരിക്കും എന്നാണ് അവർ വിചാരിച്ചിരുന്നത് , പക്ഷെ ക്രിസ്തു ജനിച്ചതോ ഒരു തച്ചന്റെ മകനായി, കാലിക്കൂട്ടിൽ.

 മറ്റൊരു കാര്യം കൂടെ ഉണ്ട്, ഈ അന്ത്യോഖ്യയിൽ, പൗലോസും ബാർന്നബാസും കൂടെ നമ്മൾ  യവനന്മാർ ഒത്തിരിപ്പേരെ ക്രിസ്ത്യാനികൾ ആക്കി, ഈ പൗലോസും ഒരു  യെഹൂദൻ ആരുന്നു എന്ന കാര്യം നിനക്ക് അറിയാമായിരുന്നോ 

ആംബ്രോസ് :  ആഹാ എന്നിട്ടാണോ, പൗലോസിനെ ആ യെഹൂദന്മാർ എല്ലാവരും കൂടെ കൊല്ലാൻ ശ്രമിച്ചേ ?

ദിമിത്രിയോസ്: അത് ഞാൻ അറിഞ്ഞില്ലല്ലോ, അതെപ്പോൾ സംഭവിച്ചു ? അതിനു പൗലോസ് ഇവിടെ  അന്ത്യോഖ്യയിൽ അല്ലല്ലോ ഉള്ളത് ലുസ്ത്രയിൽ ആണെന്ന് ആണല്ലോ ഞാൻ കേട്ടത് ?

ആംബ്രോസ് : അതേടാ , ലുസ്ത്രയിൽ ഗർഭംമുതൽ മുടന്തനായി ഇരുന്ന ഒരുത്തന് പൗലോസ് സൌഖ്യം കൊടുത്തു. എന്നിട്ട്  നമ്മുടെ ആൾക്കാർ പൗലോസും ബാർന്നബാസും ദേവന്മാർ ആണെന്നും പറഞ്ഞു,  ബർന്നബാസിന്നു ഇന്ദ്രൻ എന്നും പൌലൊസ്ന്നു ബുധൻ എന്നു പേർ വിളിച്ചു, 

ഇന്ദ്രക്ഷേത്രത്തിലെ പുരോഹിതൻ കാളകളെയും പൂമാലകളെയും ഗോപുരത്തിങ്കൽ കൊണ്ടുവന്നു പുരുഷാരത്തോടുകൂടെ യാഗം കഴിപ്പാൻ ഭാവിച്ചു, എന്നാൽ പൗലോസും ബർന്നബാസും അവരെ  തടുത്തു, ഇതിനിടയിൽ കുറെ യെഹൂദന്മാർ വന്നു അവരെ ഇളക്കി, പൌലൊസിനെ കല്ലെറിഞ്ഞു; എങ്ങെനെയൊ  അവർ അവിടെ നിന്ന് രക്ഷ പെട്ടു പൊന്നു 

ദിമിത്രിയോസ്: എടാ ദേ  അങ്ങോട്ടു നോക്കിക്കേ, രണ്ടു യെഹൂദന്മാർ അല്ലെ വരുന്നത് ?

ആംബ്രോസ് : അതെ യെഹൂദന്മാർ തന്നേ, പക്ഷെ അവർ പരീശന്മാർ ആണ് 

ദിമിത്രിയോസ്: അതേ  അവര് ക്രിസ്തുവിന്റെ അനുയായികൾ ആയെങ്കിലും ഇപ്പോഴും യെഹൂദ മതാചാരങ്ങൾ അനുസരിച്ചാണ് നടക്കുന്നത് . കർത്താവിന്റെ  കാലത്തും എന്തെങ്കിലും കുഴപ്പം ഉണ്ടാക്കുക ആയിരുന്നു ഇവരുടെ സ്ഥിരം പരിപാടി. 

(യെഹൂദ വേഷം ധരിച്ച രണ്ടു പരീശന്മാര് കടന്നു വരുന്നു )

ഷാലോം 

ഷാലോം 

പരീശന്മാര് : നിങ്ങൾ ,യഹൂദർ ആണ് അല്ലെ  ?

ദിമിത്രിയോസ്&ആംബ്രോസ്: അല്ല , ഞങ്ങൾ ക്രിസ്തു മാർഗത്തിലേക്ക് വന്ന 

യവനന്മാർ  ആണ്, എന്താണ് അങ്ങനെ ചോദിക്കാൻ കാര്യം ?

പരീശന്മാര് :നിങ്ങളുടെ കയ്യിൽ സെപ്റ്റുജന്റ്  പുസ്തകം കണ്ടത് കൊണ്ട് ചോദിച്ചതാണ്. 

 ദിമിത്രിയോസ്: നിങ്ങളുടെ പേര് എന്താണ്, എവിടെ നിന്നും വരുന്നു? 

പരീശന്മാര് :ഞാൻ ശിമോൻ , ഇവൻ ആമോസ്  ഞങ്ങൾ യഹൂദ്യയിൽ നിന്ന് വരുന്നു., ക്രിസ്തു മാർഗത്തിലേക്ക് വന്നിട്ടും നിങ്ങൾ യെഹൂദ മര്യാദ പ്രകാരമുള്ള കാര്യങ്ങൾ അനുവർത്തിക്കുന്നില്ലല്ലോ?

ആംബ്രോസ്: അതെന്താ അങ്ങനെ പറയാൻ കാരണം ?

ശിമോൻ: ഇന്ന് ശാബത് ആണ് , യാതൊരു വിധ ജോലിയും ചെയ്യാൻ പാടില്ലാ , പക്ഷേ നിങ്ങൾ കച്ചവടത്തിൽ ഏർപ്പെട്ടിരിക്കുന്നുവല്ലോ ?

ദിമിത്രിയോസ്: ഞങ്ങൾ പൗലോസിന്റെ അനുയായികൾ ആണ്, ഞങ്ങളോട് പൗലോസ്  അങ്ങനെ ഒന്നും കല്പിച്ചിട്ടില്ല

ആമോസ്:അപ്പോൾ നിങ്ങൾ പരിച്ഛേദനയും ഏറ്റിട്ടുണ്ടാവില്ല അല്ലെ ? 

ആംബ്രോസ്: പരിച്ഛേദന യോ അതെന്താണ് എന്ന് പോലും എനിക്ക് അറിയില്ല  

ശിമോൻ:ശരി ഞങ്ങൾ പോവുകയാണ്,  നിങ്ങളുടെ കയ്യിൽ തിരു വെഴുത്തുകൾ ഉണ്ടല്ലോ, വായിച്ചു ബോധ്യപ്പെടുക പൗലോസിനെയും അറിയിക്കുക. ക്രിസ്തുവിന്റെ അനുയായികളെങ്കിൽ ക്രിസ്തു അനുഷ്ടിച്ച ആചാര മര്യാദ പ്രകാരം നടക്കേണ്ടിയതല്ലയോ ?

ആംബ്രോസ് ദിമിത്രിയോസിനോട്: എടാ ഇവന്മാർ ഈ പറഞ്ഞിട്ട് പോയ  പരിച്ഛേദനഎന്താണ് ? എനിക്ക് ഒന്നും മനസ്സിലായില്ല 

ദിമിത്രിയോസ്: എടാ അവര് പറയുന്നത് അറ്റം മുറിക്കണം എന്നാണ് 

ആംബ്രോസ്: ഏതു?  മുടി യുടെ അറ്റം മുറിക്കാനോ ? അതിനു ഇവന്മാർ തന്നെ മുടി ഒക്കെ നീട്ടി വളർത്തി നടക്കുകയാണല്ലോ , പിന്നെ നമ്മളോട് മുറിക്കാൻ പറയാൻ എങ്ങെനെ സാധിക്കും 

ദിമിത്രിയോസ്: എടാ  മുടിയുടെ അറ്റം മുറിക്കുന്ന കാര്യം അല്ല മറ്റേതിന്റെ അറ്റം മുറിക്കുന്ന കാര്യം ആണ് പറഞ്ഞത് 

ആംബ്രോസ്:ഏതു താടിയോ അതിനു താടി നമുക്കില്ലല്ലോ 

ദിമിത്രിയോസ്:എടാ പൊട്ടാ മറ്റേതെന്നു പറഞ്ഞാൽ മറ്റേ സൂനെടെ 

ആംബ്രോസ്:ഉയ്യോ സുന്നത്തോ അയ്യേ അതൊന്നും എന്നെക്കൊണ്ട് പറ്റില്ല  

ദിമിത്രിയോസ് : എടാ നീ അത് കാര്യം ആക്കേണ്ട . യെഹൂദ ആചാര്യ മര്യാദകൾ പാലിക്കേണ്ടതില്ല എന്നാണു പൗലോസും പറഞ്ഞിരിക്കുന്നത്. ഏതായാലും അക്കാര്യം തീരുമാനിക്കാൻ യെരൂശലേമിലേക്കു  അപ്പോസ്തോലന്മാരുടെ അടുത്തേക്ക്  പൗലോസ് പോകുന്നുണ്ട്, നമുക്ക് കാത്തിരിക്കാം  

പ്രിയരേ ഇപ്പോൾ നിങ്ങൾ കണ്ടത് സിറിയയിലെ അന്ത്യോഖ്യയിൽ അന്ന് നടന്ന സംഭവം, പിന്നീട് ഈ തർക്ക വിഷയത്തനു പരിഹാരം ഉണ്ടാക്കാനായി ബർന്നബാസും പൗലോസും യെരൂശലേമിലേക്കു പോവുകയുണ്ടായി. യെരുശലേമിൽ നടന്ന കാര്യങ്ങൾ എന്തായിരുന്നു എന്ന് നമുക്ക് നോക്കാം ….  

Scene3: (യെരുശലേം : അപ്പോസ്തോലന്മാർ വട്ടമേശ സമ്മേളനത്തിൽ )

(യെരുശലേമിന്റെ ബിഷപ്പായ യാക്കോബ് സംസാരിക്കുന്നു )

നമ്മുടെ കർത്താവായ യേശുക്രിസ്തുവിനാൽ തിരഞ്ഞെടുക്കപ്പെട്ട അപ്പോസ്തോലന്മാരെ, അന്ത്യോഖ്യയിൽ നിന്ന് കടന്നു വന്നിരിക്കുന്ന, പൌലൊസ്,  ബർന്നബാസ്,പിന്നെ ,  സകല മൂപ്പന്മാരുമായുള്ളോരേ,  

ഇവിടെ യെരുശലേമിലും, അതിനേക്കാളേറെ  അന്ത്യോഖ്യയിലും, യൂറോപ്പായിലും നമുക്കിടയിൽ ഒരു തർക്കവിഷയം ഉണ്ടായ കാര്യം ഒരു പക്ഷെ നിങ്ങൾ അറിഞ്ഞു കാണുമല്ലോ. 

അതിനെപ്പറ്റി ആലോചിച്ചു തീരുമാനം എടുക്കാൻ ആണ് നാം ഇവിടെ കൂടിയിരിക്കുന്നത്. വിഷയം അവതരിപ്പിക്കാനായി, ആദ്യമായി , യെരുശലേമിന്റെ പ്രതിനിധിയായി അന്ത്യോഖ്യയിലുള്ള  ബർന്നബാസിനെ, ക്ഷണിക്കുന്നു.

ബർന്നബാസ്: അപ്പോസ്തോലന്മാരും മൂപ്പന്മാരുമായുള്ളോരേ, നാം ക്രിസ്തുവിന്റെ അനുയായികളുടെ ഏറ്റവും വലിയ ശക്തി കേന്ദ്രമായി അന്ത്യോഖ്യ മാറിയിരിക്കുന്നു എന്ന് നിങ്ങള്ക്ക് അറിവുള്ളതാണല്ലോ? 

എന്നാൽ അവിടെയുള്ള നമ്മുടെ യെഹൂദന്മാരിൽ പരീശന്മാരായ ചിലർ, ക്രിസ്ത്യാനികൾ ആയ യവനന്മാർ യെഹൂദ മര്യാദ പ്രകാരം നടക്കണം എന്ന് നിര്ബന്ധിക്കുന്നതിനാൽ, ഞങ്ങൾക്കിടയിൽ കലക്കത്തിന് സംഗതി ആയിരിക്കുന്നു.

ക്രിസ്തുവിന്റെ ക്രൂശുമരണത്തിനും ഉയർപ്പിനും ശേഷം നമ്മെ മുടിപ്പിക്കാൻ കച്ചകെട്ടി ഇറങ്ങിയ ശൗലിനു  നമ്മുടെ കർത്താവ് പ്രത്യക്ഷപ്പെടുകയും അദ്ദേഹത്തിന് ഉണ്ടായ മാനസാന്തരവും നിങ്ങൾ അറിഞ്ഞിരിക്കുമല്ലോ? 

ഇപ്പോൾ പൗലോസ് എന്ന് അറിയപ്പെടുന്ന അദ്ദേഹം     യൂറോപ്പായിൽ അങ്ങോളം ഇങ്ങോളം നമ്മുടെ കർത്താവിന്റെ സുവിശേഷം ജാതികളോട് അറിയിച്ചു കൊണ്ട് ഏറെ കഷ്ടം സഹിച്ചു കൊണ്ടിരിക്കുന്നു. പൗലോസിനോട് അദ്ദേഹം നേരിട്ട പ്രശ്നങ്ങൾ, ഇവിടെ വിസ്തരിക്കുവാൻ, അഭ്യർഥിക്കുന്നു .    

പ്രിയപ്പെട്ടവരേ,

ജാതികൾ, പ്രേത്യേകിച്ചു യവനന്മാർ, എത്രയോ അന്ധതയിലാണ് എന്നത് നാം മനസ്സിലാക്കേണ്ടതാണ്.    ലുസ്ത്രയിൽ അമ്മയുടെ ഗർഭംമുതൽ മുടന്തനായിരുന്ന ഒരുവനെ നമ്മുടെ കർത്താവിന്റെ ശക്തിയാൽ നടക്കാറാക്കിയതിനാൽ യവനന്മാർ,  എന്നെ ബുധൻ എന്നും ബർന്നബാസിന്നു ഇന്ദ്രൻ എന്നും,  വിളിച്ചു, ഞങ്ങളെ ആരാധിക്കാനും പൂജിക്കാനും വരെ ശ്രമിച്ചു. 

നമ്മുടെ കർത്താവ് ഇരുട്ടിലായിരുന്ന എന്റെമേൽ പ്രകാശിച്ചതു പോലെ ,   സത്യ ദൈവത്തിന്റെ വെളിച്ചം ഇവരുടെ മേൽ പ്രകാശിക്കേണ്ടത് ഇന്നത്തെ ആവശ്യമാണ്. 

തന്നെയുമല്ല ഗമാലിയേൽ എന്ന പണ്ഡിത റാബിയുടെ കീഴിൽ അഭ്യസിച്ച യെഹൂദനും റോമാ പൗരനുമായ എനിക്ക് കൃത്യമായി പറയാനാവും. 

ആത്മാവിനെ നല്കി നമുടെ ഇടയിൽ വീര്യപ്രവൃത്തികളെ ചെയ്യുന്നവൻ ന്യായപ്രമാണത്തിന്റെ പ്രവൃത്തിയാലല്ല വിശ്വാസത്തിന്റെ പ്രസംഗത്താലാണു എല്ലാം നിവൃത്തിക്കുന്നത് .

അതിനാൽ പരീഷൻമമാരായ് ചിലർ പറയുന്നത് കേട്ടു നാം ക്രിസ്ത്യാനികലായ ജാതികൾക്കു മേൽ അധിക ഭാരം അടിച്ചേൽപ്പിക്ക രുത് എന്ന് അഭ്യർത്ഥിക്കുന്നു. അപ്പോസ്തോലമാരിൽ  മൂപ്പനായ ശീമൊണ് പത്രോസ് എന്ത് പറയുന്നു.

പ്രിയരേ ഞാൻ  യോപ്പാപട്ടണത്തിൽ പ്രാർത്ഥിച്ചുകൊണ്ടിരിക്കുമ്പോൾ വിവശതയിൽ ഒരുദർശനം കണ്ടു: 

ആകാശത്തിൽനിന്നു നാലു കോണും കെട്ടി ഇറക്കിയ വലിയ തുപ്പട്ടിപോലെ ഒരു പാത്രം എന്റെ അടുക്കലോളം വന്നു. 

അതിൽ നമുക്ക് ഭക്ഷിക്കാൻ വിലക്കപ്പെട്ടതായ പലതിനെയും ഞാൻ കണ്ടു. 

പത്രൊസേ, എഴുന്നേറ്റു അറുത്തു തിന്നുക എന്നു എന്നോടു പറയുന്നോരു ശബ്ദം ഞാൻ കേട്ടു എങ്കിലും, കർത്താവേ; അശുദ്ധമായയതൊന്നും ഞാൻ ഭക്ഷിക്കില്ല എന്ന് പറഞ്ഞപ്പോൾ  “ദൈവം ശുദ്ധീകരിച്ചതു നീ മലിനം എന്നു വിചാരിക്കരുതു” എന്ന് എന്നോട് അരുൾ ചെയ്തു . 

ദൈവത്തിന്നു മുഖപക്ഷമില്ല എന്നും, ഏതു ജാതിയിലും അവനെ ഭയപ്പെട്ടു നീതി പ്രവർത്തിക്കുന്നവനെ അവൻ അംഗീകരിക്കുന്നു എന്നും ഞാൻ  അങ്ങനെ ഗ്രഹിക്കുകയുണ്ടായി. 

അത് തന്നെയുമല്ല മേൽപറഞ്ഞ ദർശനത്തെ സാധൂകരിക്കത്തക്ക വിധം  കൊർന്നേല്യൊസ്  എന്ന  ശതാധിപന്റെ  ഗൃഹം മുഴുവനും രക്ഷിക്കപ്പെടുവാനിടയായ കാര്യവും,  ഞാൻ സംസാരിച്ചപ്പോൾ  പരിശുദ്ധാത്മാവു നമ്മുടെമേൽ എന്നപോലെ അവരുടെ മേലും വന്നു എന്നും നിങ്ങൾ അറിഞ്ഞു കാണുമല്ലോ.

 ആകയാൽ നമ്മുടെ പിതാക്കന്മാർക്കും നമുക്കും ചുമപ്പാൻ കഴിഞ്ഞിട്ടില്ലാത്ത നുകം, ജാതികളായ ക്രിസ്ത്യാനികളുടെ മേൽ വെക്കാൻ  നാം ശ്രമിക്കേണ്ടതില്ല   കർത്താവായ യേശുക്രിസ്തുവിൽ വിശ്വസിച്ചവരായ നമുക്കു തന്നതുപോലെ അതേ ദാനത്തെ ജാതികൾക്കും  ദൈവം കൊടുത്തു എങ്കിൽ ദൈവത്തെ തടുപ്പാൻ ആർക്കു കഴിയും ?

……………..

അപ്പോസ്തോലന്മാരിൽ മുന്പനായ ശീമോൻ പത്രോസിന്റെ ഈ പ്രസംഗത്തോടെ സുന്നഹദോസിന്റെ അധ്യക്ഷനായ യാക്കോബ് എഴുന്നേറ്റു പിന്നാലെ വിവരിക്കുന്ന യോഗ തീരുമാനങ്ങൾ സംഗ്രഹിക്കുകയും യെരുശലേം  സുന്നഹദോസ് പിരിയുകയുമുണ്ടായി.

ഒന്ന്  വിഗ്രഹാരാധാനയിൽ നിന്ന് ഒഴിഞ്ഞിരിക്കണം രണ്ടു ലൈംഗിക കാര്യങ്ങളിൽ നിഷ്ട പാലിക്കണം അതായത് പ്രസംഗം പാടില്ല തുടങ്ങിയ കാര്യങ്ങൾ മൂന്ന് രക്തം ചേർന്ന മാംസം ഭക്ഷിക്കരുത് 

അങ്ങനെ യെഹൂദന്മാർക്കു പോലും ഒരു ഭാരമായി അനുഭവപ്പെട്ട ശാബത് പരിശ്ചേദന തുടങ്ങിയ യെഹൂദ ആചാരങ്ങൾ ക്രിസ്ത്യാനികൾ ആയ മറ്റുള്ളവർ ആചരിക്കേണ്ടതില്ല എന്ന് തീരുമാനിക്കുകയുണ്ടായി 

ഇനി നമുക്ക് അഞ്ചാം തുബ്ദേൻ വായിച്ചു കൊണ്ടിരുന്ന പയ്യൻ ആവ്ന്റെ പഠിത്തം എവിടം വരെയായി എന്ന് പോയി നോക്കാം      

Scene 4: 

എടാ , ഇപ്പൊ മനസ്സിലായോ അഞ്ചാം തുബ്ദേനിൽ  നീ വായിച്ച യാക്കോബ് ആരായിരുന്നു എന്ന്. ശീമോൻ പത്രോസ് അപ്പോസ്തോലന്മാരിൽ സമന്മാരിൽ  മുമ്പൻ എന്ന് കരുതപ്പെടുന്നു എങ്കിലും യെരുശലേമിന്റെ മെത്രാപ്പൊലീത്തയായ യാക്കോബ് ആയിരുന്നു ഈ യോഗത്തിന്റെ അധ്യക്ഷൻ എന്ന് കാണുന്നു.  ശീമോൻ പത്രോസ്റോമിന്റെ മെത്രാപ്പൊലീത്തയായിരുന്നു. അപ്പോൾ, ചിലർ പറയുന്നത് പോലെ ആകമാന  സഭയുടെ കർത്തൃത്വം എല്ലാം പത്രോസിനായിരുന്നു എന്ന് പറയുന്നതിൽ കഴമ്പില്ല. ഓരോ പ്രദേശത്തെയും സഭയുടെ തലവൻ അവിടെയുള്ള ബിഷപ്പ് ആണ്  

ഫോൺ അടിക്കുന്നു 

ആഹാ അച്ചനാണല്ലോ , ഹലോ അച്ചാ, എന്നാ ഈ സമയത്തു ? 

അതേ, ഞാൻ മോനോട് പറഞ്ഞാരുന്നു, അഞ്ചാം തുബ്ദേൻ നന്നായി വായിച്ചു പഠിച്ചു, നാളെ തെറ്റിക്കാതെ വായിക്കണം എന്ന്. അത് ചെയ്താരുന്നോ ?

പിന്നേ, ഞങ്ങൾ ഇപ്പൊ അക്കാര്യം ചെയ്തോണ്ടിരിക്കുക ആയിരുന്നു. സത്യത്തിൽ ഇവിടെ ഒരു കൺഫ്യൂഷൻ ഒണ്ടാരുന്നു ഈ യാക്കോബിന്റെ കാര്യത്തിൽ, അത് ഇവരെ വിശദമായി  പറഞ്ഞു മനസ്സിലാക്കി കൊടുക്കുക ആയിരുന്നു ഞാൻ

അതേതായാലും നന്നായി . പേരെന്റ്സ് ഇക്കാര്യങ്ങളിൽ ഒക്കെ ഇടപെടുന്നതു നല്ല താ . ഞങ്ങൾ അച്ചന്മാർക്കും സൺ‌ഡേ സ്കൂൾ അധ്യാപകർക്കും ആഴ്ചയിൽ വെറും ഒന്നോ രണ്ടോ മണിക്കൂർ അല്ലെ ഇവരെ കയ്യിൽ കിട്ടുന്നുള്ളൂ. നിങ്ങൾ വീട്ടിൽ വെച്ച് അവരെ ബൈബിൾ വായിക്കാനും ഗീതങ്ങൾ ചൊല്ലാനും പ്രാർഥിക്കാനും ഒക്കെ പഠിപ്പിക്കണം. കുറഞ്ഞ പക്ഷം വൈകുന്നേരം എങ്കിലും കൂടെയിരുന്നു ഇക്കാര്യങ്ങൾ ഒക്കെ ചെയ്യുന്നില്ല എങ്കിൽ അത് നാം ചെയ്യുന്ന വലിയ പാതകം ആണ് . 

ശരി അച്ചാ , പിന്നെ എന്റെ ഭാര്യ ഇവിടെ പറഞ്ഞാരുന്നു, ഞാൻ പള്ളി കാര്യങ്ങളിൽ കാര്യമായി ഇടപെടുന്നില്ല , പൊതുയോഗത്തിനു വരുന്നില്ല എന്നൊക്കെ , സത്യത്തിൽ എനിക്ക് ഈ നൈറ്റ് ഡ്യൂട്ടി ഒക്കെ ഒള്ളത് കൊണ്ടാ അച്ചാ അല്ലാതെ മനപ്പൂർവം അല്ല കേട്ടോ 

ഓ അത് സാരമില്ല . നമ്മുടെ സഭ പോലെ ഇത്ര ജനാധിപത്യ സ്വഭാവമുള്ള സഭകൾ ഇല്ലെന്നു തന്നെ പറയാം. അത് കൊണ്ട് പൊതുയോഗത്തിലും ഒക്കെ നിങ്ങൾ എല്ലാവരും പങ്കെടുക്കണം . എന്നാൽ പിന്നെ നിർത്തട്ടെ , നാളെ വി ഖുർബാന ഉള്ളതാ , പിന്നെ പിള്ളേരല്ലേ തുബ്ദേന്റെ കാര്യം മറന്ന് പോയാലോ എന്ന് കറുത്ത് ഓർമ്മിപ്പിക്കാൻ വിളിച്ചതാ . ഓക്കേ ഗുഡ് നൈറ്റ് 

പ്രിയപ്പെട്ടവരേ, ഈ കഥ ഇവിടെ അവസാനിക്കുന്നില്ല , അച്ചൻ പറഞ്ഞത് പോലെ  നാം മാതാ പിതാക്കൾ ആത്മീകമായും  പള്ളിയുടെ കാര്യങ്ങളിലും കുട്ടികളെ ഇക്കാര്യങ്ങൾ മനസ്സിലാക്കി കൊടുക്കുന്നതിലും ശ്രദ്ധയുള്ളവരാകണം എന്ന് ഉത്ബോധിപ്പിക്കുന്നു . ഈ ലഖു നാടകത്തിൽ സഹകരിച്ച 

1. Aron
2. Angel
3. Ivin

4. Roshan
5. Sebachen
6. Thomachen
7. Amal
8. Blessin
9. Jibin
10. Aabel
11. Abel

എന്നിവരോടും ഉത്സാഹിപ്പിച്ച നമ്മുടെ ഇടവക വികാരി ബഹു  യാക്കോബ്  അച്ചനോടും ഉള്ള നന്ദി ആയിയിച്ചു കൊണ്ട് നിർത്തുന്നു…….    

Wish you all a Merry Christmas and Happy New Year