Songs

ഭൂമിയിൽ ആരാണ് ഭാഗ്യവാൻ
ഈ ഭൂമിയിൽ ആരാണ് ഭാഗ്യവതി
ഭയഭക്തിബഹുമാനത്തോടെ
ദൈവമുൻപാകെ നടക്കുന്നവർ

അവരുടെ കൈകളുടെ അദ്ധ്വാനം
അവർക്ക് പ്രതിഫലം തരും
അവർ ഈ ഭൂമിയിൽ ഭാഗ്യമുള്ളവർ
ദൈവം അവർക്കു നൻമ തരും

ഭൂമിയിൽ ആരാണ് ഭാഗ്യവാൻ
ഈ ഭൂമിയിൽ ആരാണ് ഭാഗ്യവതി
ഭയഭക്തിബഹുമാനത്തോടെ
ദൈവമുൻപാകെ നടക്കുന്നവർ

ആ കുടുംബത്തിൻ നാഥനായവൻ ഭാഗ്യവാൻ
അവൻ വീട്ടിൽ മുന്തിരിവള്ളി പോലൊരു ഭാര്യ
ഒലിവുതൈകൾപോലെ കുട്ടികളും
അവൻ്റെ മേശക്കു വലയം ചെയ്യും

ഭൂമിയിൽ ആരാണ് ഭാഗ്യവാൻ
ഈ ഭൂമിയിൽ ആരാണ് ഭാഗ്യവതി
ഭയഭക്തിബഹുമാനത്തോടെ
ദൈവമുൻപാകെ നടക്കുന്നവർ

അനുഗ്രഹങ്ങൾ സീയോനിൽ നിന്നും വരും
ആയുഷ്കാലം നന്മകൾ ഊർശലേമിൽ കാണും
പേരക്കുട്ടികളെയും അവർ കാണും
യിസ്രായേലിൽ സമാധാനം അവർ കാണും

ഭൂമിയിൽ ആരാണ് ഭാഗ്യവാൻ
ഈ ഭൂമിയിൽ ആരാണ് ഭാഗ്യവതി
ഭയഭക്തിബഹുമാനത്തോടെ
ദൈവമുൻപാകെ നടക്കുന്നവർ

അത്യുന്നതിൻ മറവിൽ ഞാൻ വസിക്കും

സർവ്വശ ക്തൻ  നിഴലിൽ ഞാൻ പാർക്കും

യഹോവയെൻ സങ്കേതവും കോട്ടയും 

ഞാൻ ആശ്രയിക്കുന്നെൻ ദൈവവും 

വേട്ടക്കാരൻ കെണിയിൽ നിന്നും 

മാരകമായ മാരിയിൽ നിന്നും 

തൻ ചിറകിൻ കീഴിൽ ശരണം പ്രാപിക്കും

തൂവലുകൾകൊണ്ടവനെന്നെ  മറെക്കും 

നട്ടപ്പാതിര ഭീതിയിൽ നിന്നും 

 നട്ടുച്ചക്കത്തെ ആപത്തിൽ നിന്നും 

നിശയിൽ  നീളും മാരിയിൽ നിന്നും 

നിശ്ചയം അവനെന്നെ കാക്കും 

ഒരു ഭാഗത്തായ് ആയിരം 

മറുഭാഗത്തായ് പതിനായിരം 

ഒരു ദുഷ്ടനുമെന്നോടടുക്കില്ല 

അവർക്കുള്ള ശിക്ഷ അവൻ നൽകും 

ഒരനർത്ഥവും എനിക്ക് ഭവിക്കില്ല 

ഒരു ബാധയും എന്നോടടുക്കില്ല 

ഓരോ വഴികളിലും ദൂ-തൻ എൻകൂടെ

ഒരു കൽ പോലും തട്ടാതെന്നെ കാക്കും  

സിംഹത്തിന്മേൽ ഞാൻ ചവിട്ടും 

ബാലസിംഹത്തിനെയും ഞാൻ മെതിക്കും 

സർപ്പങ്ങളെയും ഞാൻ തകർക്കും 

ബലവാനായവൻ എൻ കൂടെയുണ്ട് 

കർത്താവായവൻ കൂടെയുണ്ട് 

കഷ്ടങ്ങളിൽ അവൻ വിടുവിക്കും 

നീണാൾ ഞാൻ നില നില്ക്കും 

നിൻ നാമം എന്നും  വാഴ്ത്തപ്പെടും

പൗലോസിൻ സുവിശേഷ യാത്ര

ഒന്നല്ല രണ്ടല്ല മൂന്നാണ്

പൗലോസിൻ സുവിശേഷ യാത്ര

ഒന്നല്ല രണ്ടല്ല മൂന്നാണ്

ആത്മാവിൻ വിളിയാലെ അന്ത്യോഖ്യയിൽ നിന്നും   

ആദിമസഭയിൻ  അധികാരത്തോടെ 

ബർന്നബാസിനെയും കൂട്ടി

ഒന്നാം യാത്ര പുറപ്പെട്ടു 

അധികം പേരിലേക്ക് എത്തുവാൻ 

അവർ പട്ടണങ്ങൾ കരുവാക്കി 

ആദ്യം എബ്രായരിലേക്കും 

പിന്നെ പുറജാതികളിലേക്കും 

യാത്രകൾ ഒന്നും ഒറ്റക്കല്ല 

കൂട്ടമായി അവർ വർത്തിച്ചു 

സുവിശേഷം പ്രസംഗിച്ചു 

രോഗികളെ സുഖപ്പെടുത്തി 

പൗലോസിൻ സുവിശേഷ യാത്ര

ഒന്നല്ല രണ്ടല്ല മൂന്നാണ്

പൗലോസിൻ സുവിശേഷ യാത്ര

പരിശുദ്ധാത്മാവ് എന്നിൽ വരുമ്പോൾ സ്വർഗ്ഗീയ ശക്തിയാൽ ഞാൻ നിറയും യേശുവിൻ സാക്ഷിയായ് ഞാൻ മാറിടും ഭൂമിയുടെ അറ്റത്തോളം ഞാൻ പോയിടും

ഭയമെല്ലാം നീങ്ങിടും, ധൈര്യം വരും സത്യത്തിൻ വചനം ഞാൻ ഘോഷിച്ചിടും യെരുശലേമിലും, യെഹൂദ്യയിലും രക്ഷയിൻ സുവിശേഷം അറിയിക്കും ഞാൻ

ശമര്യയുടെ നാട്ടിലും പോയിടും ഞാൻ സ്നേഹത്തിൻ സന്ദേശം പകർന്നിടും ഞാൻ കർത്താവിൻ നാമം ഉയർത്തിടുവാൻ അന്ധകാരം നീക്കി പ്രകാശം നൽകാൻ

ദിവ്യശക്തിയാൽ, ആത്മദാനത്താൽ ലോകമെങ്ങും ഞാൻ സാക്ഷിയാകും തളരുകില്ല ഞാൻ, പിന്മാറില്ല ഞാൻ അന്ത്യം വരെയും നിൻ നാമം വാഴ്ത്തും.

ദുഷ്ടാലോചനയിൽ നടക്കാതെ 

പാപിയുടെ വഴിയിൽ നിൽക്കാതെ

പരിഹാസി കൂടെ  ഇരിക്കാതെ

ന്യായപ്രമാണത്തിൽ സന്തോഷിച്ചു

രാപ്പകൽ ഒക്കെയും ധ്യാനിക്കുന്നോൻ 

ദൈവ മുൻപാകെ ഭാഗ്യവാൻ  

അവൻ്റെ വഴി ദൈവം കാക്കും 

അവൻ പുഴയോരത്ത് നിൽക്കുന്ന 

ഇലവാടാത്തൊരു മരമായി

നൽഫലം നൽകുന്ന മരമായി

ചെയ്യുന്നതൊക്കെയും സാദ്ധ്യമാക്കും 

ദുഷ്ടാലോചനക്കാർ പതിർപോലെ

കാറ്റു പാറ്റുന്ന പതിർപോലെ

അവരുടെ വഴി നാശകരം 

അവർ  വിധി ദിവസം നിൽക്കില്ല

കർത്താവേ, നീ എൻ  ശരണം,കരുണാ മയനെ നീ ശരണം

എൻ ആയുഷ്കാലം മുഴുവൻ, കർത്താവേ നീ എൻ  ശരണം

ഇരുളിൻ താഴ്വര കടന്നീടുമ്പോൾ ,എപ്പോഴും നീ എൻ കൂടെയുണ്ട് 

അന്ധകാരത്തിൽ വെളിച്ചമായ് ,എപ്പോഴും നീ എൻ കൂടെയുണ്ട്

ഇരുളുമൂടും താഴ്വരയിൽ അഭയം തേടും യാത്രികൻ ഞാൻ
മുൻവഴി തേടും യാത്രികൻ ഞാൻ മുന്നിൽ നീളും പാതകളിൽ
സത്യമെവിടെ നിഴലെവിടെ
എൻ കാലുകൾക്കു ദീപമേ എൻ പാതക്ക് പ്രകാശമേ
നിന്റെ വിശുദ്ധ വചനമേ എന്നുമെൻ ജീവൻ വഴികാട്ടി എന്നുമെൻ ജീവൻ വഴികാട്ടി

അക്ഷരങ്ങൾ അഗ്നിയായി അക്ഷരങ്ങൾ അഗ്നിയായി
എന്നാൺ്ത്മാവിൽ ജ്വലിക്കയായി
കാൽവഴികളിൽ വെളിച്ചമായ് അന്ധകാരം അകലുന്നുവോ

വഴികാട്ടി എൻ വഴികാട്ടി വെളിച്ചം വഴികാട്ടി